सोडून द्या...

उंच उडायचं असेल तर बऱ्याच गोष्टी धरून ठेवण्यापेक्षा बऱ्याच गोष्टी सोडून देणे फायदेशीर ठरत असतं. रीत (रिकामं) होणं गरजेचं असतं. हलकं होणं गरजेचं असतं. ओझं टाकून देणे फायदेशीर ठरत असतं. 

मग ते ओझं कसलंही असो... नकारात्मक विचारांच असो... अशक्यतांचं असो... असंभाव्य वाटणाऱ्या गोष्टींचं असो... आपल्याला मागे खेचणाऱ्या विचारांचं अथवा विचारधारेचं असो... 

त्रास होण्यापूर्वीच बऱ्याच गोष्टी सोडून देता आल्या पाहिजेत. बऱ्याचदा शारीरिक कष्टांपेक्षा मनुष्य मानसिक विचारांनीच (कष्टांनीच) अधिक थकून जात असतो. 

आणि म्हणूनच सोडून दिलं पाहिजे... आपल्या मनाला कमकुवत करणाऱ्या गोष्टींना, विचारांना तिलांजली ही दिलीच पाहिजे...

सागर पुंडलिक इप्ते, वरळी.
शिल्पकार क्लासेस 
(92242 41184)

Comments

Post a Comment

Popular posts from this blog

इयत्ता 10 वीचा निरोप समारंभ – शिक्षकाच्या नजरेतून

Image
इयत्ता 10 वीचा निरोप समारंभ – शिक्षकाच्या नजरेतून इयत्ता 10 वीचा निरोप समारंभ हा प्रत्येक शिक्षकासाठी भावनांनी भरलेला क्षण असतो. वर्षानुवर्षे ज्या विद्यार्थ्यांना आपण घडवत असतो, त्यांना निरोप देण्याची वेळ आली की, मनात आनंद, अभिमान आणि थोडीशी हुरहूर अशा मिश्र भावना दाटून येतात. शिक्षकाच्या दृष्टीने हे विद्यार्थी फक्त ‘विद्यार्थी’ नसतात, तर ते आपल्या कुटुंबाचा एक भाग बनलेले असतात. त्यांच्या पहिल्या दिवसापासून ते आजपर्यंतचा प्रवास डोळ्यासमोर उभा राहतो. कधी खोडकर, कधी अभ्यासात रममाण, तर कधी निराश झालेल्या या मुलांना योग्य मार्गदर्शन देताना शिक्षकांचाही प्रवास समृद्ध होत जातो. निरोप समारंभाच्या दिवशी विद्यार्थ्यांच्या चेहऱ्यावर एक वेगळीच चमक असते. नवीन कपडे, नवीन चष्मा,... मस्त टकाटक तयार. काहीजण उत्साहात असतात, तर काहींच्या डोळ्यांत अश्रू दाटलेले असतात. शिक्षक म्हणून त्या प्रत्येक भावनेशी आपण जोडलेले असतो. त्यांच्या यशात आपला वाटा असल्याचा अभिमान वाटतो, पण त्यांच्याशिवाय वर्ग रिकामा वाटेल ही जाणीवही मनाला स्पर्श करून जाते. या प्रसंगी एक शिक्षक म्हणून विद्यार्थ्यांना काही मोलाचे...
Read more

हिम्मत लागते...

Image
हिम्मत लागते... मित्रा, मरणं खूप सोप्पं आहे; कठिण परिस्थितीत जगायला हिम्मत लागते. (1) आईवडीलांच्या जीवावर उड्या मारणं सोप्पं आहे. त्यांनी आपल्या जीवावर उड्या माराव्या असं काहीतरी करायला हिम्मत लागते. (2) अभ्यास करून मोठं व्हायच्या वेळी नको त्या फंदात पडणं खूप सोप्पं आहे. अन् अशावेळी अभ्यासावर लक्ष केंद्रित करून स्वतःच भविष्य घडवायला सुद्धा हिम्मत लागते. (3) आई कधी कधी रागावते, चिडते... अशावेळी तिच्यावर न रागावता तिच्या कष्टांची, तिच्याबद्दलच्या कर्तव्यांची जाण ठेवत तिला एक हलकीच Smile द्यायला सुद्धा हिम्मत लागते. (4) शाळा, कॉलेज, क्लासेस मधल्या शिक्षकांची टिंगलटवाळी तर सगळेच करतात. त्यांना मनोमन प्रामाणिकपणे Respect द्यायला सुद्धा हिम्मत लागते. (5) कधी कधी आपल्या मैत्रिणीवरच आपलं प्रेम जडतं… अशावेळी आपण तिला विचारलं तर आपली मैत्री तर तुटणार नाही ना? या आदरयुक्त भीतीने शांत राहायला सुद्धा हिम्मत लागते. (6) झालच तर प्रेम करण सोप्पं आहे. प्रेम निभवायला हिम्मत लागते. (7) लग्न केल्यावर बायकोवर हक्क गाजवणं खूप सोप्पं आहे. याउलट तिला तिचं स्वातंत्र्य द्यायला हिम्मत लागते. (8...
Read more